Friday, 7 February 2014

परमार्थ सांडून प्रपंच करिसी | तरी तू येम यातना भोगिसी | - दासबोध " सुजनवाक्य "

||ज्ञानेशो भगवान विष्णू ||

आज दासबोध जयंती  आणि योग योग असा कि आजच सुजन वाक्य हे हि रामदास स्वामीयांच्या दासबोधातील  

परमार्थ सांडून प्रपंच करिसी |
तरी तू येम यातना भोगिसी |

' परमार्थ ' हा शब्द ज्यांच्या गावीही नाही अशी निव्वळ प्रपंचात अडकलेली जी माणसे आहेत , त्यांचा विचार समर्थ रामदासस्वामी जी पुढील ओवीत प्रतिपादन करतात ..

परमार्थ सांडून प्रपंच करिसी |
तरी तू येम यातना भोगिसी |
संसाराच्या राहटगाडग्यात अनेक लोक परमार्थ करावयाचे विसरून जातात . परमार्थ म्हणजे आयुष्याच्या शेवटी म्हातारपनात करण्याचा उद्योग असाही सोयीस्कर अर्थ अनेकजण लावतात . सोळाव्या वर्षी ज्ञानेश्वर महाराजांनी लिहलेली ज्ञानेश्वरी माणसे एकष्टव्या वर्षी वाचतात याला काय म्हणावे ? प्रपंच करताना परमार्थाचे विस्मरण झाले तर त्याची फलश्रुती ठरलेली आहे .अशा व्यक्तीला यम यातना भोगाव्या लागतील . श्री संत ज्ञानेश्वर महाराज तर म्हणतात , जे लोक हरिस्मरण करीत नाहीत ; असे लोक यमाचे पाहुणे असतात . यमराज त्यांचे आदरतिथ्य करतात .

हरिविण जन्म नर्कचि पै जाणा | यमाचा पाहुणा प्राणी होय || - संत ज्ञानेश्वर महाराज

श्री संत नामदेव महाराज म्हणतात . प्रपंचाच्या नादात , धनाच्या आणि मनाच्या मदमस्ती मध्ये जो देवाचे नामस्मरण करीत नाही , त्याला यमदंड सोसावा लागतो .

धन मान बळ नाठविसी देवा | मृत्यूकाळी तेव्हा कोण आहे ||
यमाचे यमदंड बैसतील माथा | तेव्हा तुझा रक्षिता कोण आहे || - संत नामदेव महाराज

श्री संत तुकाराम महाराज या यातनांचे वर्णन करताना म्हणतात कि ; यमाला करुणा माहीत नाही . ओढाळ जनावर हाती लागल्यावर मालक जसा त्याला बेदम मारतो , तशी अवस्था होते .

नाही त्या यमासी करून | बाहेर काढीता कुडी प्राणा |
ओढाळ सापडे बैसतील माथा | तेव्हा तुझा ताक्षिता कोण आहे || - संत तुकाराम महाराज

समर्थ रामदासस्वामी त्याकरिता एक दृष्टांत देतात , कामगार कामावर गेला नाही तर साहेब त्याला ज्याप्रमाणे दंड करतो , तसा परमार्थ ण केला तर प्रपंचीकला यमदंड ठरलेलाच आहे .

साहेब कामास नाही गेला | गृहीच सुखडोनि राहिला |
तरी साहेब कुटील त्याला | पाहाती लोक || - दासबोध
म्हणून परमार्थ सांडून सुखाने नुसता प्रपंच करीत राहिल्यास तर अंती यमयातना भोगाव्या लागतील आणि तुला दुख प्राप्त होईल .

:- श्री महंत प्रमोदजी महाराज जगताप

जास्ती जास्त मित्र परिवारपर्यंत हि पोस्त आपण पोहचवा स्वत : हि आनंद घ्या आणि इतरांना हि द्या .
वारकरी संप्रदाय युवा मंच ,महाराष्ट्र राज्य - ८४५१८२२७७

Thursday, 6 February 2014

हरिनाम सप्ताह - सातारकर फड

||ज्ञानेशो भगवान विष्णू ||
नवी मुंबईत बरसणार भक्तिमय हरिमय आनंदाचा पाऊस !
न्यू सातारा समूह ( ग्रुप ऑफ को - ऑपरेटीव्हज ) पुरस्कृत
न्यू सातारा जिल्हा नागरिक सहकारी पतसंस्था मर्यादित .
श्री चैतन्य अध्यात्मिक ज्ञानप्रसार संस्था आयोजित
हरिनाम सप्ताह वर्ष १९ वे
सादरकर्ते :- सातारकर फड
दिनांक :- ६ फेब्रुवारी ते १२ फेब्रुवारी २०१४ (
रात्री ०८.०० ते १०.०० हरिकीर्तन
गुरुवर्य प.पु . बबा महाराज सातारकर
वंदनीय . भगवती ताई सातारकर - दांडेकर
ह.भ.प. आदरणीय . चिन्मय (Chinmay जी )महाराज सातारकर
यांद्वारे कीर्तन सेवा होणार आहे आणि या वातावरणात नाहून निघण्याची सुवर्ण पर्वणी नवी मुंबईकर तथा मुंबईकर यांना प्राप्त होणार आहे .
तसेच तदपूर्वी रोज सायंकाळी ५ ते ७ विभगातील प्रसिद्ध गायकांची भजनमोह्त्सव .
साय .७ ते रात्री ८ :- प्रवचन:-
०६ फेब्रुवारी :- ह.भ.प.रामचंद्र महाराज कड
०७ फेब्रुवारी :- ह.भ.प.सुभाष महाराज घाडगे ( ह.भ.प. सुभाष महाराज घाडगे)
०८ फेब्रुवारी :- ह.भ.प.अशोक महाराज सूर्यवंशी
०९ फेब्रुवारी :- ह.भ.प.उत्तम महाराज मोहिते
१० फेब्रुवारी :- ह.भ.प.वसंत महाराज मंडलिक
११ फेब्रुवारी :- ह.भ.प. चिन्मय महाराज लाटे
१२ फेब्रुवारी :- ह.भ.प. शामसुंदर महाराज सोन्नर (Shamsundarmaharaj Sonnar )
सर्वाना प्रेमाचे आणि आग्रहाचे निमंत्रण
निमंत्रक :-
आदरणीय राजाराम जी ( नाना ) निकम,
श्री चैतन्य अध्यात्मिक ज्ञानप्रसार संस्था ,
वारकरी संप्रदाय युवा मंच , महाराष्ट्र राज्य .
संपर्क - अक्षय भोसले ८४५१८२२७७२

Wednesday, 5 February 2014

सुजनवाक्य - ||मग मानिती सकळ ||

वक्रतुंड महाकाय सूर्यकोटि समप्रभ:। निर्विध्नं कुरु मे देव सर्वकार्येषु सर्वदा॥
||ज्ञानेशो भगवान विष्णू ||
गुरुवर्यांच्या चरणी नतमस्तक व साहित्य प्रसारास प्रारंभ
सुजनवाक्य - ||मग मानिती सकळ ||
प्रत्येकाच्या मनात एक उर्मी असते , कि मला लोकांनी मानावे . लोकांनी मानावे याकरिता मनसे नाना प्रकारचे खटाटोप करीत असतात . आपला नावलौकिक व्हावा याकरिता प्रयत्नशील असतात . काहीच कार्य न करिता कार्यकर्ता म्हणवणारे कार्यकर्ते काही कमी नाहीत . कार्य करणार नाहीत ; पण फोटोच्या वेळेस वेळेवर हजर होणारेही कमी नाहीत . अशाने कीर्ती वाढत नाही . अंगी गुण असतील तर हे खटाटोप न करता देखील लोक मानतील , असे जगद्गुरू तुकाराम महराज आपल्याला एका अभंगात सांगतात .

नसावे ओशाळ | मग मानिती सकळ ||- तुकाराम महाराज

जो ओशाळ आहे , त्याला कदापि कीर्ती प्राप्त होणार नाही . मनात जर आशा वास करीत असेल , तर अशा आशा बद्ध माणसाला स्वार्थ सुटणार नाही . मग अशा स्वार्थी माणसाला कोण मानणार ? त्याकरिता प्रथम आपण ओशाळ नसावे . मग अपोआप लोक आपल्याला मानू लागतील .

जय तेथे पावे मन | चाले बोलिले वचन || - तुकाराम महाराज

केवळ त्याला मान मिळत नाही , तर तो जाईल तिकडे त्याच्या मागे मान फिरत असतो . तो स्वार्थी नसल्यामुळे तसेच त्याचे जीवन प्ररार्थी झालेले असल्यामुळे तो जे बोलेल ते वचन समाज मान्य करतो . कारण नि : स्पृह माणसाचे जीवन हे सर्व समाजाकरताच असते . 'उरलो उपकारापुरता ' या बोधावर ते असतात .

राहो नेदी बाकी | दान ज्याचे त्यासी टाकी || -तुकाराम महाराज

सेवा करणाऱ्या व्यक्तीला त्याची पोहच देण्याची वृत्ती त्याच्या ठायी निर्माण होते . तो कोणाचे ऋण ठेवीत नाही . ज्याचे त्याचे दान त्या त्या व्यक्तीच्या पदरात टाकतो . अशा व्यक्तीला सर्वचजण मानतात .
व्हावा वाटे जना | तुका म्हणे साठी गुणा ||- तुकाराम महाराज
जग अशा व्यक्तीला मानते . ती व्यक्ती प्रत्येकाला हवी हवीशी वाटते . त्याच्या जवळ असणारे गुण यास कारणीभूत असतात . गुनिजनालाच कीर्ती माळ घालते . थोडक्यात , समजा कोणाला मानतो ? जो ओशाळ नाही , जो समाजाचे ऋण ठेवीत नाही , ज्याच्या ठायी सद्गुण आहेत , अशालाच समाज मानतो . आज लोकेषणा असणाऱ्या व्यक्तींना हा तुय्काराम महाराजांचा उपदेश बोधप्रद ठरावा असाच आहे .

सदरहू चिंतन गुरुवर्य श्री महंत प्रमोद महाराज जगताप यांच्या सुजनवाक्य या ग्रंथरुपी पुस्तकातील आहे .
जास्तीत जास्त लोकांपर्यंत वारकरी साहित्य पोहचवण्याची जबाबदारी आता तुमची आहे .
 अक्षय भोसले - ८४५१८२२७७२
वारकरी संप्रदाय युवा मंच , महाराष्ट्र राज्य - अक्षय भोसले - ८४५१८२२७७२ .

Tuesday, 4 February 2014

|| सुजनवाक्य || - गुरुवर्य श्री. प्रमोदजी महाराज जगताप

|| ज्ञानेशो भगवान विष्णू ||
प्रथमत : सर्वच गुरुवर्य , ज्येष्ठ तथा मान्यवर सर्वांच्या चरणी नतमस्तक होऊन एक आनंदाची पर्वणीच जणू .
सर्वांच्या भेटीस ........
महाराष्ट्रातील घरा घरा पर्यंत पोहचलेल अस सर्वांच आवडंत ग्रंथ रुपी पुस्तिका
|| सुजनवाक्य ||
आता आपणास फेसबुक आणि whtsapp तथा google search मध्ये हि उपलब्ध होणार आहे . सध्याच्या सुसंस्कारीत तरुणांची संघटना तयार करणे त्या करिता युवा शिबिरे आयोजित करणे आणि भारतातील संत वांडमयचा भारतभर व परदेशात प्रचार प्रसार करणे या दृष्टीकोनातून आदरणीय गुरुवर्य प्रमोद महाराज जगताप यांनी वारकरी संप्रदाय युवा मंचास लिखित साहित्य प्रसार करण्यास परवानगी दिली त्या बद्दल त्यांचे शतश ऋणी आहोत . लाखो युवा वर्गास , वारकरी वर्गास नक्कीच याचा मोठ्या प्रमणात याचा आनंद उपभोगता येईल . याकरिताच हा एक आमचा छोटा प्रयत्न ....
ग्रंथास
कृपाशीर्वाद :- श्रीगुरु धुंडामहाराज देगलूरकर
प्रस्तावना :- श्रीगुरू चैतन्यजी भानुदासमहाराज देगलूरकरजी
आशीर्वाद :- श्री गुरुवर्य बाबा महाराज सातारकर
मा .श्री. वा. ना. उत्पात , पंढरपूर
पाईकपण :- गुरुवर्य श्री. प्रमोदजी महाराज जगताप
संपादक :- प्रा.डॉ. यशवंतरावजी पाटणे
अभिप्राय :- श्री .अरुणजी मानकर
प्रकाशक :- आदरणीय . ज्ञानेश्वर (भाई ) वांगडे (शिवसह्याद्री प्रकाशन)
प्रसार माध्यम ( facebook / whtsapp /google search / telegram ) :- वारकरी संप्रदाय युवा मंच , महाराष्ट्र राज्य
आपला कृपाभिलाषी ,
अक्षय भोसले - ८४५१८२२७७२
वारकरी संप्रदाय युवा मंच , महाराष्ट्र राज्य

Friday, 17 January 2014

फलटण येथे कत्तलखाना होऊ देणार नाही - वारकरी संप्रदाय युवा मंच


|| ज्ञानेशो भगवान विष्णू ||

उठा  वैष्णवांनो  हिंदुनो वारकरी बंधू भगिनीनो  राष्ट्रभक्तानो समाजसेवकानो शेतकऱ्यानो ...
छत्रपती  शिवाजी महाराजांच्या सौभाग्यवती महाराणी राजमाता सईबाई साहेब यांची जन्मभूमीला रक्त रंजित करण्याच्या उद्देशाने फलटण नगर पालिका , धर्मद्रोही - राष्ट्र द्रोही असे आपले राज्यकर्ते आणि प्रशासणातील धर्मद्रोही अधिकारी यांनी फलटण शहरामध्ये अत्याधुनिक कत्तलखाना निर्माण करण्याचे कटकारस्थान रचले आहे .
                                           ज्या भूमी मध्ये हिंदूंचा छत्रपती  राजश्री शिवराय यांच्या सौभाग्यवती महाराणी राजमाता सईबाई साहेब यांचा जन्म झाला . ज्या भूमीमध्ये श्री संत श्रेष्ठ ज्ञानेश्वर महाराजांचा पालखी सोहळा आणि लाखो संत वारकरी दरवर्षी मुक्कामी असतात टी भूमी गोवंशाच्या रक्त व मांसाने अपवित्र करण्याचे सुनियोजित कारस्थान रचले आहे .आम्ही हजारो राष्ट्र व गो भक्तांना बरोबर घेऊन " परमपूज्य श्री श्रद्धेय उदयनाथजी महाराज यांच्या नेतृत्वा खाली दिनांक २० जानेवारी २०१४ रोजी दुपारी १२.०० वाजता फलटण नगरपालिकेवर धडक मोर्चा निघालो आहोत . आता फक्त अपेक्षा आहे गो मातेच्या रक्षणासाठी आपल्या सहभागाची ....जास्तीत जास्त लाखोंच्या संख्येने सहभागी व्हा हि नम्र विनंती ...!
संपर्क :- श्री .गोरक्षनाथजी घाडगे -९९८७७८१०४३
 श्री .अक्षय भोसले :- ८४५१८२२७७२
बंधुनो मोठ्या प्रमाणात शेअर करा . जोक आणि इतर गोष्टी आपण लगेच इतरांना फोरवर्ड करतो किमान तुमचे काही मिनिट्स लागतील पोस्त इतरांपर्यंत पोहचवायला .आपण आपल्या राष्ट्राकरिता किमान इतक तरी सहकार्य तरी करू शकतोच हि नम्र अपेक्षा ,
तुमचा
वारकरी संप्रदाय युवा मंच / गोरक्षक बंधू  .