श्रीक्षेत्र वृंदावन श्रीमद्भागवत भाव - कथा मार्गदर्शिका पुस्तिकेतून साभार -
प.पू.श्रीगुरु श्रीचैतन्यमहाराज देगलूरकर यांचा संदेश ..!
श्रीक्षेत्र वृंदावन येथे होणाऱ्या श्रीमद्भागवत भावकथा सोहळ्याची मार्गदर्शक पुस्तिका भाविक यांत्रिकांच्या हाती देताना अत्यंत आनंद होतो आहे . यावर्षी आमचे मुळपुरुष सद्गुरू श्रीगुंडामहाराजांच्या समाधी सोहळ्यास दोनशे वर्षे व सद्गुरू श्रीमहाराजांच्या व सौ. अम्मांच्या सहगमनाला पंचवीस वर्षे पूर्ण होत आहेत. या निमित्ताने मी ही प्रथमच श्रीमद्भागवत सांगण्याचा प्रयत्न करीत आहे . भगवंताच्या व सद्गुरुंच्या कृपेने या सर्व कार्यास यश येईलच !
श्री वृंदावन हे भगवंताचे भक्तांसमवेत लीला करण्याचे अत्यंत आवडते स्थान ! भक्ताला भावविभोर करणाऱ्या व स्मरणाने पुन:प्रत्ययाचा आनंद देणाऱ्या लीला येथेच घडल्या ! त्याच ठिकाणी आपणा सर्वांच्या साक्षीने व साह्याने श्रीमद्भागवताची व भगवंताची सेवा करण्याचे भाग्य मला व सद्गुरू सेवा समितीस प्राप्त होते आहे. ही यात्रा व हा सोहळा अविस्मरणीय व्हावा यासाठी केलेल्या सर्व नियोजनाचा तपशील या मार्गदर्शिकेमध्ये समाविष्ट केला आहे . आवश्यक तेथे योग्य व्यक्तींशी संपर्क करून समस्यांचे निराकरण करून घेण्यास ही पुस्तिका उपयुक्त ठरेल असा विश्वास वाटतो . सर्व संभाव्य अडचणींचा विचार केला आहेच . सूचनांचे पालन होईल तर शक्यतो अडचणी येणार नाहीत तथापी नवा प्रांत , नवे वातावरण , नवी भाषा यामुळे गोंधळ झाला तर सुकाणू समितीतील कोणासही केव्हाही संपर्क करता येईल .
कार्यक्रम यशस्वी व्हावा म्हणून आपलेही सहकार्य अपेक्षित आहेच ! वृंदावनविहारीची सर्वांवर कृपा व्हावी ही प्रार्थना !
- श्रीचैतन्य भानुदासमहाराज देगलूरकर
संपर्क - सद्गुरू सेवा समिती , श्रीक्षेत्र पंढरपूर
९८२२०२९१३७ /९४२१३६१४३९/९४२१३६१४३९/
९४२२२४१६९२/९२२५३४०००२
- varkariyuva.blogspot.in
