*✨॥श्रीतुकाराममहाराजगाथाभाष्य ॥✨*
*☆☆☆ अभंग क्र.२ ☆☆☆*
नये जरी तुज मधुर उत्तर ।
दिधला सुस्वर नाही देवें ॥१॥
नाहीं तयाविण भुकेला विठ्ठल ।
येईल तैसा बोल रामकृष्ण ॥२॥
देवापाशीं मागे आवडीची भक्ति ।
विश्वासेशीं प्रीति भावबऴें ॥३॥
तुका म्हणे मना सांगतों विचार ।
धरावा निर्धार दिसेंदिस ॥४॥
*अर्थ:-* तुला जरी मधुर बोलणे येत नसले आणि देवाने गोड स्वर दिला नसला तरी ॥१॥
त्यासाठी श्रीविठ्ठल भुकेला नाही.तुला जसे येईल तसे 'रामकृष्ण' म्हण ॥२॥
तू आपल्या श्रद्धेने,निष्ठेच्या बलाने व प्रेमाने देवाजवऴ देवाच्या आवडीची प्रेमलक्षणा भक्ती माग. ॥३॥
*चैतन्यभूषण श्रीतुकाराममहाराज* म्हणतात,मी माझ्या मनाला हाच विचार सांगतो की,हे मना,तू प्रत्येक दिवशी प्रेमाने 'रामकृष्ण' म्हणण्याचाच निश्चय कर ॥४॥
*प्रकाशक:-श्रीगुरु चैतन्यमहाराज देगलूरकर सोशल मिडिया*
*॥ रामकृष्णहरि ॥* 🚩🙏🏻