पूज्य श्रीदेगलूरकर परंपरेचे निष्ठावंत भक्त ज्येष्ठ व्यक्तिमत्त्व श्री.दिनकरराव देशपांडे,कोरंगळेकर यांचे अल्पशा आजाराने देहावसान ..!
तूं मनबुद्धि साचेंसीं । जरी माझिया स्वरूपीं अर्पिसी ।
तरी मातेंचि गा पावसी । हे माझी भाक ॥ ७९॥
या भगवंतानी दिलेल्या अभिवचनाचा प्रत्यय आपण दिनु काकांच्या जीवन प्रवासात पहात आहोत..
अवघे आयुष्य श्रीसद्गुरु सेवा आणि त्यायोगे भगवद् चिंतनात उजळुन गेले.
तेविं सदभ्यासें निरंतर । चित्तासि परमपुरूषाची मोहर ।
लावें मग शरीर । राहो अथवा जावो ॥ ८२ ॥
जें नानागतीतें पाववितें । तें चित्त वरील आत्मयातें ।
मग कवण आठवी देहातें । गेलें की आहे ॥ ८३॥
पैं सरितेचिनि ओघें । सिंधुजळा मीनलें ओघें ।
तें काय वर्तत आहे मागें । म्हणोनि पाहों येते ॥ ८४॥
ना तें समुद्रचि होऊन ठेलें । तेविं चित्ताचें चैतन्य जाहालें ।
जेथ यातायात निमालें । घनानंद जें ॥ ८५॥
त्यांची जीवनगंगा अशी समुद्रच बनुन राहीली आहे..
श्रीसद्गुरु माऊली त्यांच्या तनुत्याग प्रसंगी सोबतच आहेत कारण,
म्हणोनि देहांतींचें सांकडें । माझियां कहींचि न पडे ।
मी आपुलियांतें आपुलीकडे । सुखेंचि आणीं ॥ १३४॥
श्रद्धेय दिनू काकांच्या चरणी प्रणाम तथा भावपूर्ण श्रद्धांजली ..!
- समस्त वारकरी संप्रदाय युवा मंच परीवार
