श्री महाराजांचे दुसरे कुटुंब आईसाहेब, या जन्माधं होत्या.त्या श्वासावर नाम घेत व त्यांना अंतर्दृष्टि होती.त्यांच्या सेवेला दोन बायका असत.श्रीमहाराज हर्दा येथे गेले होते.आईसाहेब गोंदवल्यास होत्या.एके दिवशी सकाळी नऊ वाजता एक सेवेकरी बाईने आई साहेबांना विचारले ,' महाराज आता काय करीत असतील.? ' आई साहेबांनी चटकन उत्तर दिले, 'स्वारी तुझ्या मुलाला (जो त्याच्या बरोबर गेला होता ) अनुग्रह देत आहेत.' आठ-दहा दिवसानी श्रीमहाराज गोंदवल्यास परत आले.त्याच वेळी आईसाहेबांच्या माहेरचे कोणी बरेच आजारी असल्यामुळे त्या आटपाडीस गेल्या होत्या.सेवेकरी बाईने वेळात वेळ काढुन श्री महाराजांना विचारले.'महाराज ,त्या दिवशी सकाळी नऊ वाजता हर्धास आपण काय करीत होता? त्यावर किंचित हसून श्री महाराज येवढेच बोलले ,' आंधळीने जे तुला आगाऊ सांगितले तेच मी करीत होतो.'
-पू. महाराजांचे चरित्र अभ्यास असताना त्यातील काही अद्भुत घटना
